बाहुनहरू मेरा छोराछोरी होइनन्, जनजाती मात्रै मेरा छोराछोरी हुन्- केपी ओली

नेकपा एमालेका अध्यक्ष केपी शर्मा ओलीले डोम, चमार, भोटे शेर्पा नै आफ्ना छोराछोरी भएको बताएका छन् । उनले बाहुनहरू भने आफ्ना छोराछोरी नभएको बताए ।

उनले आफुले कुनै बाहुनका छोराछोरीलाई नपढाएको बरु जनजातीका छोराछोरीलाई खोजीखोजी पढाएको बताए । उनले भने, ‘मैले बाहुनका छोराछोरी खोजेर पढाएको छैन । सुगम ठाउँका छोराछोरी पढाएको छैन।’

शुक्रबार राष्ट्रियसभामा आदिवासी जनजातिसँग चुनाव लक्षित कार्यक्रमलाई सम्बोधन गर्दै ओलीले आफ्ना छोराछोरी नभएकाले विभिन्न जातजातिका छोराछोरी नै आफ्ना छोराछोरी भएको बताएका हुन् ।

‘तपाईहरुलाई थाहा छैन होला । मेरा छोराछोरी कोही डोम छन् । कोही चमार छन् । कोही भोटे छन्’ ओलीले भने, ‘ओलीका छोराछोरी छैनन् किनभने मेरा छोराछोरी छैनन् तपाईहरुलाई थाहा होला । अरु जनजातिका छोराछोरी छन् ।’ जब मेरा छोराछोरी नै डोम चमार भोटे शेर्पा छन् भने मेरो पार्टीको दृष्टिकोण के होला भन्दै ओलीले प्रश्न गरे ?

आफूले विभिन्न जातजातिका छोराछोरीको विषयमा सन्दर्भ आएकाले चर्चा गरेको बताए । ‘म कामले देखाउनुपर्छ भन्नेमा छु । मेरो काम जनतालाई माया गर्ने हो । प्रचार गरेर जस लिन चाहन्न’ उनले भने ।