नेकपाको सचिवालय बैठक बस्दै, यस्ता छन् एजेण्डा
काठमाडौँ– अनिश्चित बनेको नेकपाको सचिवालय बैठक बस्ने भएको छ। पटक पटक स्थगित हुदै आएको सचिवालय बैठक आइतबार बस्ने तय भएको हो ।
स्रोतका अनुसार अपरान्ह ४ बजेपछि बस्ने तयारी भैरहेको बताइएको छ। प्रधानमन्त्री केपी शर्मा ओलीको फलोअप उपचार पछी डाकिएको आजको बैठकमा केहि महत्वपुर्ण बिषयको निर्णय हुनसक्ने बताइएको छ ।
बैठकमा पार्टीको प्रवास कमिटिको जिम्मेवारी तोक्ने र स्थायी समितिको बैठक बोलाउने बारेमा छलफल हुनेछ । शनिबार तेस्रो पटक डायलासिस गरेपछि अध्यक्ष तथा प्रधानमन्त्री ओली आराम गरिरहेका छन् । यसअघि अध्यक्ष तथा प्रधानमन्त्री ओलीले नेकपाको उच्च नेताहरुसँग पार्टी र सरकारको जिम्मेवारी हेरफेर गर्ने विषयमा छलफल गरेपनि ठोस निर्णय हुन सकेको थिएन ।
आजको बैठकमा मन्त्रिपरिषद् हेरफेरको बिषय बामदेब र नारायणकाजीलाई राष्ट्रिय सभामा ल्याउने, र नेतृत्व र पार्टीको जिम्मेवारी दिनेबारे छलफल हुनसक्ने अनुमान नेताहरूले गरेका छन् ।