दाउन्नेमा ट्रक जुध्दाँ दुई जना घाइते,पूर्वपश्चिम राजमार्ग अवरुद्ध

नवलपरासी । पूर्वपश्चिम राजमार्ग अन्तरगत दाउन्नेमा २ वटा ट्रक आपसमा जुध्दाँ दुई जना घाइते भएका छ्न भने यातायात अवरुद्ध भएको छ ।

बिहीबार राति १२ बजेदेखि सडक अवरुद्ध हुदा राजमार्गमा हजारौं गाडी रोकिएका छन् ।

जिल्ला ट्राफिक प्रहरीका हवल्दार पदम बडुका अनुसार राति १२ बजे काठमाण्डौतर्फ हिडेको ना २ ख ७९९६ नम्बरको नेपाली ट्रकलाई पछाडिबाट आउदै गरेको भारतीय ट्रकले ठक्करदिदाँ दुबै ट्रक पल्टिएर सडक अवरुद्ध भएको हो । उक्त खण्डमा हजारौ गाडि अलपत्र परेका छन् । दाउन्ने खण्डको बिश्वकर्मा बाबाको मन्दिर नजिक दुर्घटना भएको हो ।

ट्रक उठाउन र डाइभर्सन बनाउन पठाएको डोजर दोहोरो जामका कारण दुर्घटनास्थलमा पुग्न सकेको छैन ।