नाडाललाई मोन्टे कार्लो टेनिसको उपाधि

एजेन्सी । शीर्ष वरियताका स्पेनिस राफायल नाडालले मोन्टे कार्लो मास्टर्सको उपाधि जितेका छन् । फ्रान्समा आइतबार राति भएको फाइनलमा जापानका केइ निशिकोरीलाई हराउँदै नाडालले उपाधि जितेका हुन् ।

३१ बर्षीय नाडालले निशिकोरीमाथी ६ – ३ र ६ – २ को सेटमा हराएर ११ औं पटक उपाधि जितेका हुन् । ३६ औं वरियताका निशिकोरीमाथि जित निकाल्न नाडालले ९४ मिनेट लगाएका थिए । नाडालले लगातार तेस्रो पटक यो उपाधि जितेका हुन् ।

यो उपाधिसँगै नाडालले अर्को किर्तिमान बनाएका छन् । नाडालले करियरको ३१ औं मास्टर्स टेनिसको उपाधि जित्दै सबैभन्दा बढी मास्टर्स जित्ने खेलाडीको कीर्तिमान बनाएका हुन् । यो उपाधिसँगै नाडाल विश्व वरियताको शीर्ष स्थानमा पनि यथावत रहने भएका छन् ।