माइभ्यालीमा आयोजकको विजयी सुरुवात

इलाम– आयोजकले चौथो माइभ्याली टुबोर्ग गोल्डकप फुटबल प्रतियोयिगतामा विजयी सुरुआत गरेको छ । कास्की ११ पोखरालाई ३–२ ले हराउँदै आयोजक माइभ्याली फुटबल क्लब इलाम अघिल्लो चरण पुगेको हो ।

म्याइभ्यालीको जितमा मनीष थापाले २ अर्को गोल सुवास राईले गरे । कास्कीका लागि उत्तम गुरुङ र रन्दिप पौडेलले गोल गरेका थिए । १९ औं मिनेटमा मनीषको गोलबाट माइभ्यालीले अग्रता लियो भने उनले नै ५७ औं मिनेटमा अर्को गोल गरे ।

सुवासले ६४ औं मिनेटमा गोल थप्दा माइभ्यालीले ३–० को अग्रता लिएको थियो । उत्तमले ६८ औं मिनेटमा गोल गर्दै टोलीलाई खेलमा फर्काउने प्रयास गरे । इन्जुरी समयको पहिलो मिनेटमा रन्दीपले अर्को गोल फर्काएपछि हार भने टरे । माइभ्यालीका छिरिङ गुरुङ खेलको म्यान अफ दी म्याच घोषित भए ।