२०७५ पुस ३, मङ्लबार

मेरो पहिलो प्राथमिकता नेपाल र नेपाली क्रिकेट हो :सन्दीप लामिछाने

May 15, 2018
267 Views
Spread the love
  • 20
    Shares

काठमाडौँ । क्रिकेटर सन्दीप लामिछानेले आफ्नो पहिलो प्राथमिकता नेपाल र नेपाली क्रिकेट भएको बताएका छन् । दिल्ली डेयरडेभिल्सले गरेको फेसबुक लाइभमा आफ्नो फ्यानहरूसँग बोल्दै सन्दीपले आफू जहिले पनि नेपाल र नेपालीका लागि खेल्ने गरेको बताएका हुन् ।

सन्दीपले धेरै कुराको अनुभव लिइरहेको फेसबुक लाइभमा भनेका छन् । उनले भने, “मेरो प्राथमिकता भनेको नेपाली क्रिकेट टिम हो । नेपालको गेम हुँदा पहिलो प्राथमिकता भनेको नेशन नै हुन्छ । सबैभन्दा माथि नेपाल नै राख्छु । नेपाली क्रिकेटका लागि आगामी दिनमा राम्रो गर्ने कोसिस गर्नेछु ।”

सन्दीपले अगाडि भने, “हामी सबैले कडा प्ररिश्रम गरेका छौँ । डिल्ली डेयरडेभिल्सका सबै सदस्यलाई धन्यवाद भन्न चाहन्छु मलाई छनोट गरेकोमा । सबै कुराहरू राम्ररी नै अघि बढिरहेको छ तरपनि हामीले खेलहरू हार्यौं । तैपनि यहाँ केही कुराहरू सकारात्मक पनि भएका छन् ।”

फेसबुक फ्यानको प्रश्नको उत्तर दिँदै सन्दीपले नेपाल र भारतको पिचमा फरक रहेको हुँदा आफूलाई घुलमिल हुन समय लागेको पनि बताए । सन्दीपले भने, “भारतको पिच र नेपालको पिचमा अलिकति फरक हँुदो रहेछ । टर्नहरु चाहिँ नेपालको पिचमा धेरै हुन्छ । त्यसले गर्दा यहाँ घुलमिल गर्न अलिक समय लाग्छ ।”

ओपनिङ बलिङ गर्न पाउँदा आफू नर्भस नभएको बताउँदै सन्दीपले भारतीय कप्तान विराट कोहलीविरुद्ध बलिङ गर्न पाउँदा राम्रो महसुस भएको बताए । “प्रत्येक बलमा रन बनाइरहेका हुन्छन् भारतका कप्तान विराट कोहली । उनीविरुद्ध बलिङ गर्न पाउँदा राम्रो महसुस भयो । पार्थिव पटेललाई आउट गर्दा अविस्मरणीय रह्यो । यो मेरो लागि गौरवको कुरा हो । ओपनिङ बलिङ गर्दा म नर्भस भएको थिइनँ । कप्तान श्रेयसले मलाई भनेका थिए– कन्फिडेन्ट भएर बलिङ गर । मलाई त्यस्तो नर्भस महसुस नै भएन ।”

सन्दीपले इन्डियन प्रिमियर लिग (आइपिएल) मा रोयल च्यालेन्जर्स बेंग्लोरविरुद्ध डेब्यु गरेका थिए । सन्दीपले आफ्नो डेब्यु खेलमा नै अन्य बलरले भन्दा उत्कृष्ट बलिङ गर्दै ४ ओभरमा २५ रन खर्चेर १ विकेट लिएका थिए ।

सन्दीप आइपिएल खेल्ने नेपालको पहिलो खेलाडी हुन् । उनलाई दिल्ली डेयरडेभिल्सले अक्सनबाट २० लाख भारुमा किनेको थियो ।

Facebook Comments
  • 20
    Shares

You may be interested

पेट्रोल , डिजेल र मट्टीतेलको मूल्य घट्यो
समाचार
0 shares54 views
समाचार
0 shares54 views

पेट्रोल , डिजेल र मट्टीतेलको मूल्य घट्यो

विशाल पाण्डेय - २०७५, ३ पुष २०:१४

काठमाडौं । नेपाल आयल निगमले पेट्रोलियम पदार्थको मूल्य घटाएको छ । निगमले पेट्रोलमा २ रुपैयाँ तथा डिजेल र मटितेलमा प्रतिलिटर…

निर्मला हत्याप्रकरण : प्रमाण नष्ट गर्ने र निर्दोषलाई यातना दिने बिरुद्ध प्रहरीमा जाहेरी
समाचार
0 shares46 views
समाचार
0 shares46 views

निर्मला हत्याप्रकरण : प्रमाण नष्ट गर्ने र निर्दोषलाई यातना दिने बिरुद्ध प्रहरीमा जाहेरी

विशाल पाण्डेय - २०७५, ३ पुष १३:१७

कैलाली । बलात्कारपछि हत्या गरिएकी कञ्चनपुरकी १३ वर्षिया बालिका निर्मला पन्तको बलात्कार पछि हत्या घटनाको अनुसन्धानका क्रममा प्रमाण नष्ट गर्ने…

निर्मला हत्या प्रकरण : तीन दर्जन प्रहरीमाथि कारबाहीको सिफारिस 
पत्रपत्रिका
0 shares52 views
पत्रपत्रिका
0 shares52 views

निर्मला हत्या प्रकरण : तीन दर्जन प्रहरीमाथि कारबाहीको सिफारिस 

विशाल पाण्डेय - २०७५, ३ पुष ०९:१३

काठमाडाैं । कञ्चनपुरकी १३ वर्षीया बालिका निर्मला पन्तको बलात्कारपछि हत्या घटनाको अनुसन्धानमा चरम लापरबाही गरेको भन्दै करिब तीन दर्जन प्रहरीमाथि…