उम्मेदवार विजय जुलुसमा गएपछि भेटियो छुट्टै बाकसमा मतपत्र
पाँचथरमा प्रत्यक्ष तर्फको मतगणना सकेर विजयी भएका एमाले उम्मेदवार वसन्त कुमार नेम्वाङ विजयी जुलुसमा सहभागी भएपछि नगनिएको मतपत्र फेला परेको छ ।
प्रत्यक्ष तर्फको मतगणना सकेपछि समानुपातिक तर्फको मतपेटिका खालेर मत गन्न थालिएको थियो । सो क्रममा १२ थान प्रत्यक्ष तर्फको मतपत्र भेटिएको पाँचथरका मुख्य निर्वाचन अधिकृत टिकेन्द्र दाहालले बताए ।
सो मतपत्र समेत प्रत्यक्षमा गणना गरेको र अरु भेटिए पनि त्यसरी नै गणना गर्दै जाने उनले बताए ।
हालसम्म निर्वाचन अधिकृतको कार्यालयले प्रत्यक्ष तर्फको मतगणना सकेपनि आधिकारिक रुपमा घोषणा गरी प्रमाणपत्र नदिएको मुख्य अधिकृत दाहालले बताए ।
समानुपातिक तर्फको सबै मतपत्र गणना भएपछि मात्र विजेता घोषणा गरेर प्रमाणपत्र दिइने उनले बताए ।