माओवादी स्थायी समिति बैठक सकियो, यस्ता छन् निर्णय - Himal Post Himal Post
  • ५ असार २०८१, मंगलवार
  •      Tue Jun 18 2024
Logo

माओवादी स्थायी समिति बैठक सकियो, यस्ता छन् निर्णय



काठमाठौं । नेकपा (माओवादी केन्द्र)को स्थायी समिति बैठक सकिएको छ। समूहगत छलफलको निष्कर्ष २५ वटै समूहले रिर्पोटिङ सकाएपछि लगत्तै प्रज्ञाभवनमै बैठक बसेको थियो ।

बैठकमा समूहगत छलफलमा आएका सुझाव, पुरक प्रस्ताव र अध्क्ष पुपष्कमल दाहाल ‘प्रचण्ड’ले दिने जवाफबारे छलफल भएको स्थायी समिति सदस्य हरिबोल गजुरेलले जानकारी दिए । आफ्नो प्रतिवेदनमाथि उठेका प्रश्नको जवाफ प्रचण्डले भोलि दिँदै छन् । उनका प्रतिवेदनमाथि नेताहरु राम कार्की, लेखनाथ न्यौपाने लगायतले पुरक प्रस्ताव समेत पेस गरेका छन् ।

गजुरेलले समूहगत छलफलमा उठेका प्रश्न र पुरक प्रस्तावहरुको समेत जवाफ दिने बताए । ‘अध्यक्षले पुरक प्रस्तावहरुको समेत जवाफ दिनुहुन्छ,’ गजुरेलले भने, ‘उहाँले सबैको चित्त बुझ्नेगरि जवाफ दिन्छु भन्नु भएको छ।’

कलस्टर अनुसारको संख्या टुंग्याउने जिम्मा पाएको कार्यदलले काम नसकाएले केन्द्रीय समितिबारे भने छलफल नभएको गजुरेलले बताए । क्लस्टरअनुसार प्रतिनिधित्व हुने संख्या टुंग्याउन माओवादी केन्द्रले पाँच सदस्यीय बनाएको थियो ।

देव गुरुङ, विष्णुपुकार श्रेष्ठ, जनार्दन शर्मा, लीलामणि पोखरेल र शक्ति बस्नेत सदस्य रहेको कार्यदललाई हिजो साँझसम्म काम सकाउने भनिएको थियो । तर, कार्यदलले आज पनि काम नसकाएको हो।

माओवादीले केन्द्रीय समितिमा महिलाका लागि ३५, दलितका लागि १५ र मुस्लिमका लागि ५ प्रतिशत प्रतिनिधित्व गराउने व्यवस्था विधानमा गरेको छ। कार्यदलले प्रतिवेदन दिएपछि फेरि स्थायी समिति बसेर केन्द्रीय समिति घोषणाबारे निर्णय लिने छ।