गुण्डा नाइके मनोज पुनको डायरीमा ४ सय उद्योगीको नाम

बुटवल । मनोज पुनको डायरीमा ४०० उद्योगीको नाम भेटिएको छ । पुन केही समयअघि प्रहरी इन्काउन्टरमा मारिएका थिए ।

युवा संघका रुपन्देही अध्यक्ष दुर्गा तिवारी र बसन्त पौडेल (बलु)को हत्या गरेका पुनले धम्की दिएर पैसा उठाउन उनीहरुको सूची तयार पारेको प्रहरीको अनुमान छ। मनोज पुनको डायरीमा ४०० उद्योगीको नाम भेटिएको रुपन्देही प्रहरीले जानकारी दिएको छ ।

मनोजको समूहले रकम उठाएर जोगेन्द्रलाई दिने गरेको अनुमान प्रहरीले गरेको छ । जोगेन्द्र भारतीय नागरिक हुन् । जोगेन्द्रले नेपालको पनि नागरिकता बनाएर नेपाली व्यापारीसँग रकम असुल्ने गरेको पाइएको प्रहरीले जनाएको छ ।