मनिषा कोइरालाले गरिन् राजेन्द्र लिङ्देनको खुलेर प्रशंसा
काठमाडौं । बलिउड अभिनेत्री मनिषा कोइरालाले राप्रपा अध्यक्ष राजेन्द्र लिङ्देनको खुलेर प्रशंसा गरेको छन् ।
उनले हलो चुनाव चिन्हमा मतदान गर्न आग्रह गर्दै शुक्रबार काठमाडौंमा आयोजित राष्ट्रिय प्रजातन्त्र पार्टी (राप्रपा) को चुनावी सभामा सम्बोधन गरेकी छन् ।
अभिनेत्री कोइरालाले राप्रपाको पक्षमा मतदान गर्न आग्रह गरेकी हुन् ।‘महेन्द्र सरकार र बीपी बाबीच आदरभाव हुँदाहुँदै पनि त्यो बेला मुलुकले एकदमै ठूलो अवसर गुमायो, किनभने उहाँहरुले सहकार्य गर्न पाउनुभएन । अहिले फेरि त्यो मौका आएको छ ।’
उनले भनिन्, ‘यो मौकालाई हामीले व्यर्थ जान दिनुहुँदैन । त्यसकारण म चाहन्छु कि तपाईंहरुले राप्रपालाई भोट दिएर जिताउनुस् ।’
अभिनेत्री कोइरालाले राप्रपा अध्यक्ष राजेन्द्र लिङ्देनको प्रशंसा समेत गरिन् ।
‘राजेन्द्रजीले भ्रष्टाचार गर्नु भनेको आमाको रगत खानुसरह हो भन्नुभएको छ । त्यसैले म आज उहाँको साथमा उभिएको छु । त्यो वचनमा अटल रहन पनि म उहाँलाई अनुरोध गर्छु । अरु सबैले बीपी बालाई बिर्सनुभएको होला, तर उहाँले बिर्सनुभएको रहेनछ । बीपी बाले देखाएको बाटो राष्ट्रिय मेलमिलापको नीति त्यसले नै हाम्रो देशलाई सुदृढ गर्छ भनेर बाटो देखाउनुभएको थियो ।’
उनले भनिन्, ‘यो मुद्दा उहाँले नै उठाउनु भएको छ । म त्यसकारण पनि यहाँ उहाँसँग उभिएको छु ।’