एमालेमै फर्किन माधव नेपाललाई केपी ओलीले दिए नयाँ ‘अफर’

एमालेबाट अलग भई एकीकृत समाजवादी पार्टी गठन गरेका माधवकुमार नेपाललाई नेकपा एमाले अध्यक्ष केपी शर्मा ओलीले नयाँ अफर गरेका छन् ।

नेपालका लागि एमालेमा किने ठाउँ नभएको बताइरहेका ओलीले एकाएक एमालेमै फर्कन भन्दै अफर दिएका हुन् । उनले नेपाललाई एमालेमै फर्कंन सार्वजनिक रूपमा आग्रह गरेका छन् ।

चुनावी सभालाई सम्बोधन गर्दै अध्यक्ष ओलीले एकीकृत समाजवादी अध्यक्ष नेपाललाई एमालेमै फर्कंन आग्रह गर्दै एमालेमा फर्केको खण्डमा जिम्मेवारी पनि दिने बताए ।

एमाले विभाजनपछि ओलीले नेपाललाई एमालेमै फर्कन पहिलोपटक आग्रह गरेका हुन् । तत्कालीन नेकपाभित्रको विवाद र एमाले विभाजनपछि नेपालप्रति कटाक्ष गर्दै आएका ओलीले चुनावको मुखमा नेता नेपाललाई एमालेमा फर्कन आग्रह गरेका हुन् ।

उनले एमालेमा फर्किएमा नेपाललाई महत्वपूर्ण जिम्मेवारी दिनेसमेत बताए । तर, यसका लागि विगतमा भएका गल्ती सच्याउनुपर्ने अध्यक्ष ओलीको सर्त छ ।

विगतमा भएका गल्ती सच्याएर एमालेमा आएमा अध्यक्ष नेपाललाई विगतका तिता कुरा बिर्सिएर महत्वपूर्ण जिम्मेवारी दिन एमाले तयार रहेको ओलीको भनाइ छ ।