मदन भन्डारी स्पोर्ट्स एकेडेमी भारतको दोस्रो बैठक सम्पन्न

हिम शिखर , नयाँ दिल्ली भारत ।

“हाम्रो अभियान , खेल र खेलाडिको उच्च सम्मान” भन्ने मुल नारा का साथ भारतभर बसोबास गर्दै खेलकुद क्षेत्रमा उच्च पहिचान बनाउदै आएका युवाहरू र खेलकुद क्षेत्रमा रुचिकर युवाहरूलाई प्रोत्साहित गर्न , युवाहरूको नैतिक , बौद्धिक , शारीरिक विकास गर्न , आपसी सद्भाव र भाइचारा कायम राख्न र खेल को माध्यम बाट राष्ट्र र राष्ट्रियता मजबुत बनाउन को निमित्त र खेल कै माध्यम बाट मित्र राष्ट्र भारत संगको सम्बन्ध लाई सन्तुलित बनाउने उदेश्य सहित गत सेप्टेम्बर २५ तारीख आइतबार को दिन गठ्न भएको नेपाल को खेलकुद क्षेत्रमा उल्लेखनीय कार्यगर्दै आएको “मदन भण्डारी स्पोर्ट्स एकेडमी नेपाल” को भारत शाखाको बैठ्क भारत को राजधानी दिल्ली को एतिहासिक स्थल इन्डियन कफि हाउस मा मदन भन्डारी स्पोर्ट्स एकेडमी भारत का इन्चार्ज गोपाल थापा को प्रमुख आतिथ्य मा र राम प्रसाद शर्मा अध्यक्षता मा सम्पन्न भएको छ ।

उक्त बैठक ले मदन भन्डारी स्पोर्ट्स एकेडमी भारत का आगामी कार्यक्रम लाई योजनावद्ध ढंगले अगाडि बढाउन विभिन्न प्रस्ताव मा छ्लफल गरि आगामी डिसेम्बर मा भारत को राजधानी दिल्लीमा भलिबल प्रतियोगिता को आयोजना गर्ने र प्रतियोगिता को फाइनल को साझ वृहत् सांस्कृतिक कार्यक्रम गर्ने निर्णय भएको छ ।

उक्त कार्यक्रम को लागि नेपाल बाट ख्याती प्राप्त गायक गायिका र नृत्य कलाकार निम्ताउने निर्णय भएको उक्त एकेडमी का इन्चार्ज गोपाल थापा ले बताउनु भयो । उक्त बैठक मा मदन भण्डारी स्पोर्ट्स एकेडमी का सल्लाहकार ओमकार शर्मा, उपाध्यक्ष कुल बहादुर सिन्जाली महासचिव शिव थापा, कोषाध्यक्ष अनुज खाती , नारायण गाहा लगायत को उपस्थिती रहेको थियो ।