शुक्रबार र शनिबार काठमाडौंबाट बाहिर जान छुट
काठमाडौं- काठमाडौंमा रोकिएका सर्वसाधारणहरुलाई शुक्रबार र शनिबार उपत्यका बाहिर जान दिइने भएको छ ।
लकडाउनका कारण काठमाडौंमै रोकिएकाहरूलाई यस्तो सुबिधा दिन लागिएको हो ।
उपप्रधान तथा रक्षामन्त्री ईश्वर पोखरेलको नेतृत्वमा बसेको बैठकले दुई दिन उपत्यका बाहिर जान दिने निर्णय गरेको हो ।
११ चैतबाट लागू भएको लकडाउन लम्बिएपछि मानिसहरु हिडेरै काठमाडौंबाट बाहिर जान थालेका छन् ।
लकडाउन अझै लम्बिने अवस्था आयो भने दैनिक उपभोग्य बस्तुहरुको आपूर्तिमा समस्या आउनसक्ने भएकाले सरकारले गाउँ र्फकन चाहनेहरुलाई उपत्यका छाड्ने बाटो खुला गरेको हो ।