किङ्गस इलाभेन पञ्जावको जीत र क्रिस गेलले सतक
इन्डियन प्रिमियर लिग (आइपिएल) क्रिकेट अन्तर्गत बिहीबार बेलुका भएको खेलमा किङ्गस इलाभेन पञ्जाव विजयी भएको छ । पञ्जावले सनराइजर्स हैदरावादलाई १५ रनले हराएको हो ।
पञ्जावले प्रस्तुत गरेको १९४ रनको लक्ष्य पछ्याएको हैदरावादले चार विकेटको क्षतिमा निर्धारित ओभरमा मात्रै १७८ रन बनायो । उसका लागि मनिष पाण्डेयले ४२ बलमा नटआउट ५७, केन विलियम्सनले ४१ ब्लमा ५४ तथा शकिब अल हसनले १२ बलमा नटआउट २४ रन बनाए पनि हार टार्न सकेनन् ।
यसअघि पहिले ब्याटिङ्ग गरेको पञ्जावले मात्रै ३ विकेटको क्षतिमा १९३ रन बनायो । पञ्जावको जितमा क्रिस गेलको भूमिका सबैभन्दा महत्वपूर्ण रह्यो ।
उनले आइपिएलको जारी ११ औँ संस्करणमा पहिलो शतक बनाउने खेलाडी बन्दै टिमलाई जित दिलाउ । गेलले मात्रै ६३ बलमा १ चौका र ११ छक्काको सहयोगमा नटआउट १०४ रन बनाए ।