कमल बि.सि. माल्दाईले गरे बिक्रम चौहानलाई गर्ल्फ्रेन्ड खोज्दिन आग्रह(भिडियो सहित)

चिरञ्जीवी ढकाल 

बागेश्वरी म्युजिकको ब्यानरमा अहिलेका लोकप्रिय तथा युवा गायक कमल बिसि माल्दाइको नयाँ लोकपप गित “गर्लफ्रेण्ड छैन” सार्बजनिक भएको छ । उक्त गीतमा गर्लफ्रेन्ड नभएको हुनाले आफू तनाबमा भएको कुरालाई गीत मार्फत प्रस्तुत गरेका छन । पछील्लो समय मा एउटा फरक शैलीको लोकपप गीत “गर्लफ्रेण्ड छैन” लिएर बजार तताउन आईपुगेका लोकप्रिय गायक माल्दाईले यसै गीत मार्फत दर्शक श्रोता को मन जित्न सकिने विश्वाश गरेका छ्न । धेरै समयको मेहनतपछि गर्लफ्रेण्ड छैन बोलको गित माल्दाइले रिलिज गरेका हुन । पृथक धार अगाल्दै गायक बिसिले यसपटक गायनसंगै भिडियोमा मोडलिङ्ग समेत गरेका छन ।

यस गितमा शब्द,संगित र स्वर उनको आफ्नै रहेको छ । अहिलेका व्यस्त युवानिर्देशक विक्रम चौहानले निर्देशन गरेको यस गितमा प्रकाश खड्काको को छायांकन रहेको छ भने चर्चित मोडल आरुषि मगर,विक्रम चौहान र स्वयं गायक कमल बिसि माल्दाईको दमदार अभिनय देख्न सकिन्छ ।

धमाकेदार डान्स संगै कमेडी सिक्वेन्सको फ्युजनले भिडियोलाई अझ मसालेदार देखाएको छ । दिपेश थापाको प्रस्तुतीमा तयार पारिएको गितलाई वाउ नेपालको अफिसियल युट्युब च्यानलबाट सार्बजनिक गरिएको छ । बि स्टार फ्लिम्सले दृश्य निर्माण गरेकोे उक्त गीतको सम्पादन मिलन बि.क. ले गरेका छन ।