विद्यार्थी युनियन र स्थानीय युवाहरुद्वारा मेडिकल सुपरिटेन्डेन्टलाई कालो मोसो
जनकपुरधाम । जनकपुर अञ्चल अस्पतालका मेडिकल सुपरिटेन्डेन्ट(मेसु) रामपरीक्षण यादवमाथि युवाहरूको समूहले कालो मोसो (मसी) दलेका छन् ।
यादवलाई कार्यालयमा ज्ञापन पत्र बुझाउन गएको युवाहरुको समूहलार्इ मेसु यादवले हप्काएपछि उनीहरूले मसी शरीरमा खन्याइदिएका हुन् ।
जनकपुर अञ्चल अस्पतालमा डाक्टरको लापरबाहीले बिरामीको मृत्यु भएको भन्दै तरुण दल, नेविसंघ, नयाँ शक्ति विद्यार्थी युनियन र स्थानीय युवाहरुको समूहले आइतबार दिउँसो मेसु यादवलाई ज्ञापनपत्र बुझाउन गएको थियो ।
दुई दिनअघि मात्र जनकपुर अञ्चल अस्पतालमा डाक्टरको लापरबाहीले एक सुत्केरीको मृत्यु भएको बिरामीका परिवारले दावी गरेका छन् ।
घटनामा संलग्न रहेको भन्दै तीन जनालाई प्रहरीले पक्राउ गरेको छ ।अनलाईन खबरबाट