बानेश्वरमा १३ जुवाडे पक्राउ: अधिकांश ब्यापारी
काठमाडौं-महानगरीय प्रहरी वृत्त बानेश्वरले १३ जना जुवाडेलाई पक्राउ गरेको छ ।
पक्राउ पर्नेमा अधिकांश स्थानीय व्यावसायी छन् ।
विशेष सूचनाका आधारमा शुक्रबार साँझ खटिएको प्रहरी टोलीले काठमाण्डु–३१ को एक घरमा जुवा खेलिरहेका १३ जनालाई पक्राउ गरेको हो ।
उनीहरुको साथबाट तीन लाख ७५ हजार ४९० रूपैयाँ नगदसमेत बरामद भएको छ ।
वृत्तका प्रमुख डीएसपी दुर्गाराज रेग्मीका अनुसार पक्राउ परेकामाथि थप अनुसन्धान भइरहेको छ ।