जापानी प्रधानमन्त्रीले दिए चर्चमाथि छानबिन गर्न आदेश, आबेको हत्याले लियो नयाँ मोड
टाेक्याे- जापानी प्रधानमन्त्रीले फुमिओ किसिदाले युनिफिकेसन चर्चमाथि छानबिन गर्न आदेश दिएका छन् ।
जापानका पूर्वप्रधानमन्त्री सिन्जो आबेको हत्यापछि एउटा धार्मिक समूहप्रति अनुसन्धानको ध्यान आकर्षण भएको हो ।
घरेलु बन्दुकबाट गोली हानेर आबेको हत्या गरेका जापानी युवकले सो चर्चले आफ्नी आमालाई कंगाल बनाएको आरोप लगाउनुका साथै यस कार्यमा आबेको पनि हात रहेको बताएका थिए ।
थुप्रै साता लगाएर गरिएको एक अध्ययनले यस धार्मिक सम्प्रदायको थुप्रै सरकारी विधायकहरूसँग सम्बन्ध रहेको देखाएको छ । उक्त सम्बन्धका लागि हत्याकाण्डलाई लिएर प्रधानमन्त्री किसिदा सार्वजनिक रूपमै क्षमायाचना गर्न बाध्य भएका थिए ।
किसिदाले सोमबार अनुसन्धानको आदेश दिँदै भनेका छन्, “मैले परिवारहरूलाई बरबाद गरेको र अनुयायीहरूलाई पैसाका लागि शोषण गरिएको भन्ने जस्ता यस चर्चमाथि लागेका आरोपहरूलाई गम्भीरतापूर्वक लिएको छु ।”
चर्चले यसअघि आबेको हत्यालाई लिएर आफूलाई अनावश्यक रूपमा मुछिएको भन्दै भत्सर्ना गरेको थियो ।
यस चर्चका थुप्रै पूर्वअनुयायीहरूले चर्चविरुद्ध मुद्दा दायर गरेका छन् ।
राजनीतिक विशलेषकहरूले भने किसिदाले जनविश्वास फिर्ता ल्याउने उद्देश्यले अनुसन्धानका लागि आदेश दिएको बताएका छन् ।
बीबीसीबाट ।