गुल्मीमा भैलो टोली बोकेको ट्याक्टर दुर्घटना, १५ घाइते
गुल्मी :गुल्मीको इस्मामा ट्याक्टर दुर्घटनामा भएको छ । दुर्घटनामा परी १५ जना घाइते भएका छन्। घाइते हुने मध्ये ४ जनाको अवस्था गम्भीर रहेकाे छ।
देउसी भैलो खेल्न हिडेका समूह बोकेको ट्याक्टर दुर्घटनामा परेको प्रहरीले जनाएको छ । प्रहरीका अनुसार गुल्मीको इस्मा गाउँपालिका-६ मदनभण्डारी राजमार्गमा बुल्मबाट चौरासीतर्फ जाँदै गरेको लु ३ त ४०२ नम्बरको ट्याक्टर दुर्घटना भएको हो।
इस्मा गाउँपालिका-६ बुल्म घर भएकाहरु ४० वर्षे भुपेन्द्र कुमाल, २३ वर्षे पदम कुँवर, १२ वर्षे शेरे कुमाल, २९ वर्षे प्रेम कुमाल घाइते मध्ये गम्भीर घाइते रहेको र उनको पाल्पामा उपचार भइरहेको बताइएको छ ।
दुर्घटनामा परेका घाइते मध्ये ११ जनाको गुल्मी अस्पतालमा उपचार भइरहेको प्रहरीले जनाएको छ।फाइल तस्बिर