एउटा डाक्टरलाई अर्को डाक्टरले दिए जितको शुभकामना
काठमाडौं । नेपाली कांग्रेसका नेता एवम् गुल्मी–१ मा प्रतिनिधि सभातर्फका उम्मेदवार डा. चन्द्र भण्डारीलाई डा.गोविन्द केसीले शुभकामना दिएका छन् ।
कांग्रेस नेता भण्डारीसँग भेट गरेर डा.केसीले जितको शुभकामना दिएका हुन् । डा.केसीले संविधान र लोकतन्त्रको रक्षाका लागि लोकतान्त्रिक–वाम गठबन्धनप्रति आफ्नो समर्थन रहेको संकेत दिएका छन् ।
गुल्मी–१ मा प्रतिनिधि सभातर्फ कांग्रेस नेता भण्डारीले उम्मेदवारी दिएका छन् ।
प्रदेश सभातर्फ १ मा माओवादी केन्द्रका नेता सुदर्शन बरालको उम्मेदवारी छ । प्रदेश सभातर्फ २ मा कांग्रेसका नेता धनेन्द्र कार्कीले उम्मेदवारी दिएका छन् ।