घट्यो सुनको मूल्य

काठमाडौं- सुनको मूल्य आज पनि घटेको छ । सुनचाँदी व्यवसायी महासँघका अनुसार अज बिहीबारको तुलनामा २ सयले सुनको भाउ घटेको छ ।

आज सुन प्रतितोला ७० हजार ८ सय रुपैयाँ मूल्य निर्धारण गरिएको महासंघले जनाएको छ । बिहीबार नेपाली बजारमा प्रति तोला ७१ हजारमा सुनको कारोबार भएको थियो ।

यस्तै, तेजावी सुनको मूल्य पनि घटेको छ । आज प्रति तोला तेजावी सुनको मूल्य ७० हजार ५ सय छ ।

आज चाँदीको मूल्य पनि ५ रुपैयाँ घटेको छ । बिहीबार ८ सय ६५ मा कारोबार भएको प्रतितोला सुन आज ८ सय ६० रुपैयाँ प्रतितोला भएको छ ।