घोडाघोडी नगरपालिका -१ मा सुझाव संकलन सहित वडा भेला सम्पन्न

जिवन विष्ट /सुखड ।
कैलालीको घोडाघोडी नगरपालिका वडा नम्बर १ को आगामी आर्थीक वर्ष २०७५/०७६ को वार्षिक बजेट तथा योजना तर्जुमा सम्बन्धी सुझाव संकलन कार्यक्रम आज सुखडमा सम्पन्न भएको छ ।

वडा नम्बर १ का वडा अध्यक्ष मनराज शाहीको अध्यक्षतामा भएको सुझाव संकलन कार्यक्रममा स्थानियले तत्कालिन आवश्यकता सँगै दीर्घकालीन योजनामा पनि ध्यान दिइनु पर्ने बताइएका छन् ।

सुझाव संकलन कार्यक्रममा सहभागिहरुलाई स्वागत गर्दै वडा अध्यक्ष मनराज शाहीले वडा नम्वर १ को विकासको लागी आफु प्रतिवद्धता रहेको बताउनु भयो । समस्या र चुनौतिका विच पनि वडा नम्वर १ को विकासको लागी सवै सँग सहकार्य गरी अगाडी वड्ने उहाले बताउनु भयो । विकास दिगो हुनु पर्ने धारणा राख्दै अध्यक्ष शाहीले विकासको सुरुवात आफैवाट गर्न आग्रह गर्नु भयो ।

कार्यक्रमका सहभागिहरुले निती तथा कार्यक्रम कार्यान्वयन हुनु पर्ने बताएका छन् । जनताको आखामा छारो हाल्न सवैको सुझाव संकलन गरी कार्यान्वयनमा नआउने गरेको गुनासो गर्दै उनिहरुले त्यसो नगर्न सुझाव दिएका छन् । सडकमा ग्रावेल हाल्न मात्र विकास नभएको बताउदै सहभागिहरुले मानिसमा चेतनाको विकास गराउन जरुरी रहेको समेत औल्याएका छन् । यसका लागी विभीन्न तालिमको आवश्यकता रहेको समेत उनिहरुले औल्याएका छन् ।

सुझाव संकलन कार्यक्रमका सहभागिहरुले सडक वालवालिका,अनाथ तथा अपाङ्ग हरुको क्षेत्रमा विशेष कार्यक्रम वडा तथा नगरलेनै सँञ्चालन गर्नु पर्ने धारणा राखेका हुन । कार्यक्रमको सञ्चालन वडा नम्वर १ र ८ का वडा सचिव प्रेम सुनारले गर्नु भएको थियो ।