गजल
आऊ छिटो चुम्न भन्छन् तारा सँगै चन्द्रमाले,
धोका दिने काम गर्छन् आफ्नो भने पाखुराले।
सन्देश मेरो मिठो नै जावस् भनी शत्रु माथि,
पीडा भएनी अधरमा राखेँ सुमन बाध्यताले ।
पक्कै कतै छैन होला कोही अभागी म जस्तै,
यस्तो मलाई भएको धोका दिदा चाहनाले ।
सम्बन्धको जोड गर्ने सब वस्तु नै राख्नुपर्छ,
जस्तोसुकै कामनाले बन्दैन घर बालुवाले ।
सारा खुसी बोकिएको यस्तो गजल मन छ कोर्ने,
सन्देश पाउन् गजबको केही सिकुन् भोलिकाले।।
वसन्त ओली `वसन्ती´
दाङ