गाई काटेर मासु खादैँ गर्दा ३ जना पक्राउ

म्याङ्लुङ । तेह्रथुम जिल्लाको सुदापमा गाई काटेको आरोपमा प्रहरीले ३ जनालाई पक्राउ गरेको छ । गाई काटेर मासु खान लागेको भन्ने सूचनाका आधारमा प्रहरी चौकी ओख्रेले उनीहरूलाई पक्राउ गरेको हो ।

आइतबार राति गाई काटेको आरोपमा पक्राउ पर्नेमा ३० वर्षीय शान्त लिम्बू, ४५ वर्षीय प्रेम लिम्बू र उनका छोरा १६ वर्षीय सुमन लिम्बू रहेका छन् ।

उनीहरूलाई गाई काटेको मासु सहित पक्राउ गरी थप अनुसन्धानका लागि सोमबारै इलाका प्रहरी कार्यालय वसन्तपुर ल्याइएको छ । घटनाबारे थप अनुसन्धान भइरहेको प्रहरीले जनाएको छ