नेकपा सरकारविरुद्ध लड्ने बेला आयो, अब तयारी गरौं: गगन थापा

काठमाडौं– नेपाली कांग्रेसका नेता गगन थापाले नेपाल कम्यनिस्ट पार्टी (नेकपा)ले नेपाललाई कम्बोडियो जस्तो बनाउन चाहेको आरोप लगाएका छन् ।

काठमाडौंमा शनिबार आयोजित दशैँको शुभकामना आदानप्रदान कार्यक्रममा थापाले भने, ‘कम्बोडियामा अदालत छ, तर सरकारले चाहेको भन्दा फरक निर्णय गर्दैन । जसरी हाम्रो अदालतलाई यहाँको सरकारले दुई तिहाइको तरबार देखाएर तर्साइरहेको छ । नेपाललाई त्यही बनाउन खोजिँदै छ ।’

उनले नेकपा सरकारविरुद्ध लड्ने बेला आएको उल्लेख गर्दै तयारी गर्नुपर्ने बताए ।

सरकारले ल्याएका कानुन नेपाली जनताको जनजीवन प्रभावित पार्ने खालको भएको र निरंकुश लाद्न खोजेको आरोप लगाए ।