गगन थापा र उहाँजस्तै चरित्र भएका युवा नेतालाई शुभकामना- डा. गोविन्द केसी

काठमाडौं- डा. गोविन्द केसीले एक भिडियो सन्देशमा आफ्नो अभियानमा साथ दिएको भन्दै काठमाडौं–४ का उम्मेदवार गगन थापाका लागि मत मागेका छन्।

भिडियो सन्देशमा मेडिकल शिक्षा, स्वास्थ्य क्षेत्र र सुशासनको आफ्नो अभियानमा गगन थापाले एक दशकदेखि साथ दिएको केसीले बताएका छन्।

‘कति उपलब्धी त उहाँको सहयोग नभएको भए प्राप्त हुँदैनथ्यो’ डा. केसीले भनेका छन्, ‘गगन थापा र उहाँजस्तै चरित्र भएका सबै युवा नेतालाई शुभकामना छ।’

आफ्नो बोलिमा अडिग रहन सक्ने युवा नेताहरुको सानो सूची रहेको भन्दै उनले गगन थापा उक्त सूचीको अग्रपंक्तिमा रहेको पनि बताएका छन्।