विमान दुर्घटना अपडेट- अहिलेसम्म ६४ जनाको शव भेटियो
पोखरामा आइतबार बिहान भएको यती एयरलाइन्सको जहाज दुर्घटनामा अहिलेसम्म ६४ जनाको शव फेला परेको छ।
४ जना चालक दलका सदस्यसहित ७२ जना सवार जहाज दुर्घटनामा ६४ जनाको शव फेला परेको जिल्ला प्रहरी कार्यालय कास्कीले जनाएको छ ।
‘३० वटा शव निकालेर अस्पताल पुर्याइसकेका छौं। ३४ वटा शव खोंचमा भेटिएका छन्। निकाल्न प्रयास गरिरहेका छौं,’ जिल्ला प्रहरी कार्यालय कास्कीले भनेको छ ।
प्रहरीका अनुसार ३०० सय मिटर गहिरो खोंच भएकाले शव निकाल्न कठिन भएको बताइएको छ।