नेकपाको सरकार २५ वर्ष टिक्छ – देवेन्द्र पौडेल

काठमाडौँ – नेपाल कम्युनिस्ट पार्टी (नेकपा)ले ५ वर्ष नभई २५ वर्षसम्म सरकार चलाउने दाबी नेता देवेन्द्र पौडेलले गरेका छन् ।

समाजवादी पार्टीबाट आएका नेताहरू देवेन्द्र पराजुली, कल्पना धमला, मनु हुमागाई लगायतको समूहलाई नेकपामा प्रवेश गराउँदै पौडेलले त्यस्तो दाबी गरेका हुन्।  नेकपाको सरकार ५ वर्षपछि टिक्दैन भन्ने टिकाटिप्पणी सम्झँदै गर्दै नेता पौडेलले भने, ‘५ वर्षका लागि त जनताले मत दिइसके । अब २५ वर्षसम्म वामपन्थीबाहेक अरू आउने सम्भावना छैन ।’