“सत्तारुढ गठबन्धनलाई निर्वाचनमा भोट हाल्नै हुँदैन”
काठमाडौँ- प्रमुख प्रतिपक्ष दल नेकपा एमालेका सांसद देवेन्द्र दाहालले सत्तारुढ गठबन्धनलाई आगामी निर्वाचनमा जनताले भोट हाल्नै नहुने जिकिर गरेका छन् ।
निर्वाचनमा बहुमत ल्याउने र मुलुकलाई समृद्धि दिन्छु भन्न नसक्ने सत्तारुढ गठबन्धनलाई जनताले भोट हाल्न नहुने उनको भनाइ थियो । शुक्रबार राष्ट्रिय सभा बैठकमा विशेष समय लिएर बोल्दै उनले नेकपा एमालेले भने आगामी निर्वाचनमा बहुमत ल्याएर मुलुकलाई समृद्ध बनाउने संकल्प लिएको दाबी समेत गरे ।
सांसद दाहालले सत्तारुढ गठबन्धनसँग मुलुक बनाउने नभई नेताहरू व्यवस्थापन गर्ने उद्देश्य मात्रै भएको आरोप समेत लगाए ।
सांसद दाहालले सत्तारुढ गठबन्धनले मुलुकलाई फेरि अस्थिरतातर्फ लैजाने षडयन्त्र गरिरहेको उल्लेख गर्दै नेपाली जनताले उनीहरूलाई निर्वाचनमा मतदान नगर्ने बताए ।