छतबाट खसेर एक जनाको मृत्यु

कैलाली । कैलालीमा छतबाट खसेर एक जनाको मृत्यु भएको छ । जिल्लाको लम्कीमा रहेको राष्ट्रिय वाणिज्य बैंकको तेस्रो तलाबाट खसेर गएराति एक व्यक्तिको मृत्यु भएको हो ।

मृत्यु हुनेमा दार्चुलाको मालिकार्जुन गाउँपालिका, पस्तीका अन्दाजी ४५ वर्षका दयाकृष्ण पन्त रहेको इलाका प्रहरी कार्यालय लम्कीले जनाएको छ । उनी सोही बैंकमा कार्यालय सहयोगी पदमा करारमा कार्यरत रहेको बताईएको छ ।

प्रहरीका अनुसार उनी बैंक रहेको भवनको माथिल्लो तलामा बस्दै आएका थिए । उनी राति करिव ९ बजेतिर छतबाट खसेको बताएको छ । छतबाट खसेर घाईते भएका पन्तलाई उपचारका लागि स्थानीय लालरत्न अस्पतालमा पु¥याएपनि सो अस्पतालमा उपचार हुन नसकेपछि थप उपचारका लागि टीकापुर अस्पतालमा रिफर गरिएको र टीकापुर अस्पताल पु¥याउन नपाउँदै बाटोमै पन्तको मृत्यु भएको प्रहरीले जनाएको छ ।