बुटवल पाल्पा सडक खण्ड आज पुन अवरुद्ध
आचार्य प्रदीप
बुटवल । सिद्धार्थ राजमार्गको बुटवल पाल्पा सडक खण्ड आज पुन अवरुद्ध भएको छ ।
गएरातिदेखि परेको वर्षले रुपन्देही र पाल्पाको सीमा क्षेत्र सिद्धवावा मन्दिर नजिकै ढुगां सहितको पहिरो खसेर र मदनपोखरा नजिकै भालेवासमा लेदो माटो सहितको पहिरो खसेर सडक अवरुद्ध भएको पश्चिम क्षेत्रीय टाफिक प्रहरी कार्यालय बुटवलले जनाएको छ ।
सिद्धबाबामा आहिले ५ बजे र भालेबासमा ४ बजे पहिरो खसेको प्रहरीले जनाएको छ ।
सडक अवरुद्ध भएपछि बुटवलबाट उत्तरतर्फ पाल्पा, स्याग्जा, पोखरा, गुल्मी अर्धाखाची लगायका स्थानमा जाने र आउने गाडी बिच बाटोमा रोकिएका छन् ।
पटक पटक पहिरो जाने र सडक अवरुद्ध हुने क्रम बढे पछि अस्ति मात्रै भौतिक पूर्वाधार तथा यातायात व्यवस्था मन्त्री रघुबिर महासेठले पहिरो गइरहने क्षेत्रको स्थलगत निरीक्षण गर्नु भएको थियो ।