साँफेबगरमा बस दुर्घटना १५ घाइते

अछाम-

बुधवार बिहान अछाम जिल्लाको साँफेबगर नगरपालिका वडा नम्बर २ को झकालेमा बस दुर्घटना हुँदा १५ घाइते भएका छन् । यी मध्ये ४ जनाको अवस्था गम्भीर रहेको अछामका प्रहरी प्रमुख जनकबहादुर शाहीले जानकारी दिएका छन् ।

दुर्घटना हुन बस महेन्द्रनगरबाट बाजुराका लागि छुटेको थियो। पवनदूतको यातायातको ना७ख २५६४ नम्बरको बस सडकबाट २५ मिटर तल खसेको थियो ।  दुर्घटनामा घाइतेको उद्धार गरेर बयालपाटा अस्पतालमा उपचार सुरु गरिएको छ ।

विपरीत दिशाबाट आइरहेको अर्को सवारीसाधनलाई साइड दिने क्रममा सडक भासिँदा दुर्घटना भएको प्रहरीले जनाएको छ ।