अज्ञात समुहद्वारा बसमा आगजनी

विशाल पाण्डेय/सुखड,कैलाली
कैलालीमा पार्किङ गरि राखिएको बसमा आगजनि गरिएको छ । जिल्लाको घोडाघोडी नगरपालिका -४ सिमथरीमा सडकमा पार्किङ गरिरहेको अवस्थामा आइतबार राती अज्ञात समुहद्बारा बसमा आगजनि गरिएको हो ।

करिब डेढ महिना अघिदेखि पुर्व पश्चिम् राजमार्गमा बिगि्रएर माघी होमस्टे जाने सडकमा पार्किङ गरिएको ना ४ ख ७३५० नम्बरको बसमा आइतबार राती करिब ११ बजेतिर अज्ञात समुहले आगजनी गरेको घोडाघोडी नगरपालिका वडा नं ४ का अध्यक्ष टेक बहादुर बुढाले जानकारी दिए ।

बसमा आगो कस्ले र किन लगाएको हो भन्ने बारे थप अनुसन्धान भइरहेको ईलाका प्रहरी कार्यालय सुखडका प्रमुख प्रहरी निरीक्षक हरिश शरण भट्टले जानकारी दिए ।