२०७५ साउन ३०, बुधबार

बिना मगरको यस्तो आग्रह !

December 4, 2017
88 Views
Spread the love

कञ्चनपुर, १८ मंसिर– प्रतिनिधिसभा सदस्यका लागि कञ्चनपुर–१ की बाम गठबन्धनकी उम्मेदवार तथा माओवादी केन्द्रकी अध्यक्ष पुष्पकमल दाहाल प्रचण्डकी बुहारी बिना मगरले मतदातालाई आफूलाई जिताउन अपिल गर्दै भावुक विज्ञप्ति जारी गरेकी छन् ।

पति प्रकाश दाहालको अल्पायुकै निधन भएपछि पीडामा रहेकी बिनाले आफूले जिते कञ्चनपुरको विकासका लागि काम गर्ने प्रतिबद्धता जनाएकी छन् । पति वियोगबारे विज्ञप्तिमा केही उल्ल्ेख नगरेकी उनले मतदाताले बुझ्ने शैलीमा त्यस घटनाको सहनुभूति लिन खोजेकी छन् । पति वियोगलाई उनले ‘जटिल परिस्थिति’ शब्दले बुझाउन खोजेकी छन् ।

‘जटिल परिस्थिति र आफ्नो प्रतिकूल स्वास्थ्य अवस्थामा पनि निरन्तर खटिएर मतदातामाझ पुग्ने प्रयास गरे पनि समय अभाव र जटिल परिस्थितिले सबै मतदातामाझ पुग्न नसकिएको रहेछ भने क्षमाप्रार्थी छु’, उनले भनेकी छन्, ‘मेरो पीडा र समस्यालाई तपाईहरूले बुझिदिनुभएको छ भन्ने मैले महसुस गरेकी छु ।’

उनले प्रतिनिधिसभा तथा प्रदेशसभा निर्वाचनमा बाम गठबन्धनका उम्मेदवारलाई भोट दिएर विकास र समृद्धिको ढोका खोल्न अपिल गरेकी छन् । ‘नेपाली जनताले गरेका निरङ्कुशता विरोधी विभिन्न जनआन्दोलन र संघर्ष तथा हजारौं सहिदको बलिदानबाट प्राप्त उपलब्धी स्वरुप हामीले गणतन्त्र, संघीयता, धर्मनिरपेक्षता, समावेशिता र समानुपातिक प्रणाली पाएका छौं’।

बिनाले भनेकी छन्, ‘यसैको जगमा संविधानको स्थायित्व र स्थिर सरकार तथा आर्थिक समृद्धि र विकास गर्ने अटुट लक्ष्यका साथ नेकपा एमाले र नेकपा माओवादी केन्द्र लगायतका पार्टी मिलेर संयुक्त वाम गठबन्धन निर्माण गरी चुनावी मैदानमा होमिएको सर्वविदितै छ । वाम गठबन्धन चुनावी तालमेल मात्रै नभएर पार्टी एकीकरण हुँदै जनपक्षीय पार्टी निर्माणको तहसम्म पुग्ने निश्चित भइसकेकाले यो अभियानमा तपाईको १ मतले अमूल्य योगदान गर्न सक्ने छ ।’

उनले विकासको अनुभूति गर्न नपाएका कञ्चनपुर निर्वाचन क्षेत्र नम्बर १ का जनतालाई विकासको अनुभूति गराउने प्रतिबद्धतापत्र सार्वजनिक गरिसकेको उल्लेख गर्दै ‘निर्वाचन प्रचारप्रसारका क्रममा मतदाताबाट पाएको माया, सद्भाव, स्नेह र विश्वासले नै निर्वाचन जितिसकेको दाबी गरेकी छन् ।

मौन अवधि सुरु भएकाबेला समेत सत्ताको दुरुपयोग गर्ने, आचारसंहिताको उल्लंघन गर्ने, मतदातालाई गलत प्रलोभन देखाएर प्रभावित गर्न खोज्ने विभिन्न समूह सक्रिय रहने भएकाले सचेत रहन मगरले आग्रह गरेकी छन्

Facebook Comments

You may be interested

नेपाली कामदार ठग्ने मलेसियन कम्पनीलाई कारवाही
प्रवास
0 shares15 views
प्रवास
0 shares15 views

नेपाली कामदार ठग्ने मलेसियन कम्पनीलाई कारवाही

himal post - २०७५, ३० श्रावण ०६:४०

काठमाडौं – मलेसियाको सरकारले नेपाली कामदारसँग स्वास्थ्य परीक्षणका नाममा चर्को शुल्क उठाएर ठगी गर्ने बेस्टिनेट एसडीएन बीएचडी नामक कम्पनीलाई निलम्बन…

बंगलादेशी ब्याट्सम्यान अशरफुललाई कडा झट्का
खेलकुद
0 shares21 views
खेलकुद
0 shares21 views

बंगलादेशी ब्याट्सम्यान अशरफुललाई कडा झट्का

himal post - २०७५, ३० श्रावण ०६:३७

म्याचफिक्सिङको ५ वर्षे प्रतिबन्धपछि राष्ट्रिय टिममा फर्कने तयारी गरेका बंगलादेशका ब्याट्सम्यान मोहम्मद अशरफुललाई कडा झड्का लागेको छ । क्रिकबजको रिपोर्ट…

निको भए रोनाल्डो
खेलकुद
0 shares32 views
खेलकुद
0 shares32 views

निको भए रोनाल्डो

himal post - २०७५, ३० श्रावण ०६:३३

ब्राजिलका लेजेण्ड फुटबलर रोनाल्डो निमोनियाको उपचारपछि अस्पतालबाट घर फर्किएका छन् । विश्वकप विजेता ब्राजिलका रोनाल्डोलाई निमोनियाको संक्रमण भएपछि स्पेनको आइल्याण्ड…