मोटरसाईकल दुर्घटनामा एक जनाको मृत्यु

विशाल पाण्डेय / सुखड ।
कैलालीमा मोटरसाइकल दुर्घटना हुँदा एक जनाएको ज्यान गएको छ । पुर्व पश्चिम् राजमार्ग अन्तरगत घोडाघाडी नगरपालिका- २ साडेपानीमा बिहिबार बिहान करिब १० बजे मोटरसाईकल एकआपसमा ठोक्किएर दुर्घटना हुँदा एक जनाको मृत्यु भएको हो ।

मृत्यु हुनेमा सोही वडाका मोटरसाईकलमा सवार ५० बर्षिया देवीराम आचार्य रहेको ईलाका प्रहरी कार्यालय सुखडका प्रमुख प्रहरी निरिक्षक हरि शरण भट्टले जानकारी दिए ।

भट्टका अनुसार ,पश्चिमबाट पुर्व तर्फ जादै गरेको अनटेष्ट मोटरसाईकल र पुर्वबाट पश्चिम तर्फ आउदै गरेको से ७ प ८७५० नम्बरको मोटरसाईकल एक आपसमा ठोक्किएर दुर्घटना हुँदा आचार्यको ज्यान गएको हो ।

अनटेष्ट मोटरसाईकल चालक घोडाघाडी नगरपालिका- ८ का २३ बर्षिया लोकेन्द्र गुरुङलाई मोटरसाईकल सहित प्रहरीले नियन्त्रणमा लिएको छ भने अर्का चालक घोडाघोडी – २ का ४६ बर्षिया ईन्द्र आचार्यको घोडाघोडी अस्पताल सुखडमा उपचार भईरहेको प्रहरी निरिक्षक भट्टले जानकारी दिए ।

शवलाई पोष्टमार्टमका लागि सेती प्रादेशिक अस्पतालमा पठाउने तयारी भईरहेको प्रहरीले जनाकारी दिएको छ ।