बिद्यालय स्तरीय फुटबल प्रतियोगिता आजदेखि धनगढीमा सुरु

धनगढी ,कैलाली । अखिल फुटबल संघ कैलालीको आयोजनामा बिद्यालय स्तरीय छात्र÷छात्रा फुटबल प्रतियोगिता बुधबारदेखि धनगढीमा शुरु भएको छ । प्रतियोगिताको प्रदेश नम्वर ७ का सामाजिक मन्त्री दिर्घ सोडारीले उद्घाटन गरेका थिए ।

उद्घाटन समारोहमा बोल्दै मन्त्री सोडारीले पछिल्लो समयमा देशका विभिन्न स्थानमा खेलको चर्चा भईरहेको बताए । उनले प्रदेश नम्वर ७ मा पनि यसको चर्चा परिचर्चा निकै बढीरहेको पाईएको बताए । उनले फुटबल खेल र फुटबल खेलाडीहरुको बिकासका लागी यस्ता प्रतियोगिता हुन आवश्यक रहेको बताउदै बेलाबेलामा प्रतियोगिता संञ्चालनमा लागी प्रदेश सरकारले पनि सक्दो सहयोग गर्ने छ ।’ फुटबल प्रतियोगितामा कैलालीका विभिन्न बिद्यालयका छात्र तर्फ २४ वटा टिमले सहभागी जनाएका छन् भने छात्रा तर्फ ८ वटा टिमले सहभागी जनाएका छन् ।

आज (बिहिबार) बाट क्रमशः सहभागी टिमले प्रतियोगिता खेल्ने भएका छन् । प्रतियोगिता आगामी असार २३ गतेसम्म चल्नेछ । प्रतियोगितामा प्रथम, द्धितिय, र तृतिय हुने तथा उत्कृष्ट खेलाडीले आगामी दिनमा हुने राष्ट्रिय प्रतियोगितामा सहभागी गराइने आयोजकले जनाएको छ ।