भारतीय अभिनेता विवेक ओबरायले किन भेटे प्रचण्डलाई ?

काठमाडौँ- भारतीय सिनेमाका चर्चित चरित्र अभिनेता सुरेश ओबराय र अभिनेता विवेक ओबरायले माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेटेका छन् ।

आज प्रचण्डनिवास खुमलटारमा उनीहरूले भेटघाट गरेका हुन् । यसअघि ओबराय चन्द्रागिरि पुगेका थिए । परिवारसहित चन्द्रागिरि पुगेको ओबरायले त्यहाँ भालेश्वर मन्दिरमा पूजाअर्चनासमेत गरेका छन् ।

बुधबार नेपाल आएका उनले पशुपतिनाथमा दर्शनसमेत गरिसकेका छन् । उनी भ्रमणका क्रममा म्याग्दीसम्म पुग्ने कार्यक्रम रहेको बताइएको छ ।