२०७६ जेष्ठ १२, आइतवार

राष्ट्रपति भण्डारीलाई रेड कार्पेट, मन्दिरमा सर्वसाधारणलाई निषेध

May 13, 2019
36 Views

जनकपुरधाम – राष्ट्रपति विद्यादेवी भण्डारी जनकपुरधामस्थित जानकी मन्दिरमा आयोजित जानकी महामहोत्सव विशेष समारोहमा सहभागी हुने भएपछि सर्वसाधारणलाई भने मन्दिर प्रवेशमा रोक लगाइएको छ ।

सीताको जन्मदिनको अवसरमा आयोजना हुने कार्यक्रममा राष्ट्रपति भण्डारी जनकपुरधामको जानकी मन्दिर आउने भएपछि स्वागतमा रेड कार्पेट बिछ्याइएको छ।

जानकी मन्दिर प्राङ्गणमा आयोजना हुने जानकी महोत्सवको विशेष समारोहमा सहभागी हुनका लागि बिहान करिब नौ बजे नेपाली सेनाको हेलिकप्टरबाट राष्ट्रपति भण्डारी जनकपुरधाम आउने कार्यक्रम रहेको छ ।

रामायणकालमा मिथिलाको भूमिमा राजा जनकले हलो चलाउँदा प्रादुर्भाव भएर जन्म भएकी सीताको धार्मिक मान्यताअनुसार प्रत्येक वर्ष यहाँ जानकी नवमी मनाउने गरिन्छ।

मन्दिरमा सर्वसाधारणलाई निषेध

राष्ट्रपति बिद्यादेवी भण्डारीको आगमन हुने भएपछि सर्वसाधारणलाई मन्दिर प्रवेशमा रोक लगाइएको छ।  मन्दिर तथा आसपासका क्षेत्रहरूमा व्यापक सुरक्षाकर्मी परिचालन गरिएको छ। जनकपुरधामको एयरपोर्टबाट श्यामचोक, क्याम्पसचोक, मुरलीचोक, शिवचोक र जानकी मन्दिर परिसरमा व्यापक सुरक्षाकर्मी परिचालन गरिएको छ।

बिहानको समयमा जानकी मन्दिर दर्शन गर्न आउने पर्यटकलाई आवतजावतमा रोक लगाइएको छ। विशेषगरी पूजापाठको समय बिहान भएकाले मन्दिर परिसरमा दर्शनार्थीको अत्यधिक चापलाई मध्यनजर गर्दै सर्वसाधारणको आवतजावतमा रोक लगाइएको बताइएको छ।

यसअघि तीन वर्षअघि रामजानकी विवाह महोत्सवको अवसरमा राष्ट्रपति भण्डारी आउँदा मधेश आन्दोलनको क्रममा आन्दोलनकारीहरूले विरोध जनाएका थिए।

 

Facebook Comments

सम्बन्धित खवर

नरेन्द्र मोदी : विवादबीच उदय भएका चमत्कारी नेता
विचार/लेख
0 shares4 views
विचार/लेख
0 shares4 views

नरेन्द्र मोदी : विवादबीच उदय भएका चमत्कारी नेता

Himalpost Desk - २०७६, १३ जेष्ठ ०५:०५

- कुमुद अधिकारी प्रारम्भिक जीवन नरेन्द्र दामोदरदास मोदी उर्फ नरेन्द्र मोदीको जन्म १७ सेप्टेम्बर १९५० मा गुजरात राज्यको वडनगरको एउटा…

विप्लव समुहले सेनालाई अपहरण गरेको खुलासा
राजनीति
0 shares10 views
राजनीति
0 shares10 views

विप्लव समुहले सेनालाई अपहरण गरेको खुलासा

himal post - २०७६, १३ जेष्ठ ०१:०५

काठमाडौं : प्रतिबन्धित नेत्रविक्रम चन्द (विप्लव) नेतृत्वको समूहले नेपाली सेनाका एक जवानलाई अपहरण गरेको छ। अपहरणको उक्त घटना विप्लव र…

‘बन्द’ असफल पार्न सरकारले बनायो यस्तो नयाँ योजना
राजनीति
0 shares29 views
राजनीति
0 shares29 views

‘बन्द’ असफल पार्न सरकारले बनायो यस्तो नयाँ योजना

himal post - २०७६, १३ जेष्ठ ००:५९

काठमाडौँ- विप्लव समुहले आयोजना गरेको बन्दलाई असफल पार्न प्रहरीले नयाँ योजना बनाएको बताइएको छ । तीनै सुरक्षा प्रमुखहरुसहितको बैठकमा गृहमन्त्री रामबहादुर…