बिपीसँगै काम गरेका पूर्वसांसद ज्ञवालीको निधन
काठमाडौं- पूर्वसांसद तथा नेपाली कांग्रेस गुल्मी संस्थापक सभापति भागवत ज्ञवालीको निधन भएको छ।
ज्ञवालीको मंगलबार बिहान ४ बजे ललितपुरको जावलाखेलस्थित अल्का अस्पतालमा निधन भएको जनाइएको छ।
उनको निधन भएको पारिवारिक स्रोतले पुष्टि गरेको छ ।
। २००१ सालमा गुल्मीमा जन्मिएका उनी २०४८ सालमा कांग्रेसबाट गुल्मी क्षेत्र नम्बर २ बाट प्रतिनिधिसभा सांसदमा निर्वाचित भएका थिए।
प्रजातान्त्रिक आन्दोलनमा योगदान पुर्याएका ज्ञवालीले बिपी कोइरालासँगै काम गरेको थिए। उनका श्रीतमी, दुई छोरा र तीन छोरी छन्।