माकुने हजुरबाको मसँग तुलना हुन सक्दैन- अनुप बोहरा
काठमाडौं क्षेत्र नम्बर २ बाट स्वतन्त्र उम्मेदवारी दिएका युवा व्यवसायी अनुप बोहराले एकीकृत समाजवादी पार्टीका अध्यक्ष माधव कुमार नेपालसँग आफ्नो तुलना हुन नसक्ने बताएका छन् ।
काठमाडौ-२ बाट यसअघिको निर्वाचनमा एकीकृत समाजवादीका अध्यक्ष नेपाल निर्वाचित भएका थिए । उनी लगातार निर्वाचित हुँदापनि यो क्षेत्रमा केही गर्न नसकेको, जनस्तरमा कुनै परिवर्तन ल्याउन नसकेको भन्दै बोहराले आफ्नो तुलना उनीसँग हुन नसक्ने बताए ।
बोहराले आफू यस क्षेत्रको कायापलट गर्न सक्ने एजेण्डासहित चुनावमा होमिएको समेत बताएका छन् । राजनितिमा बुढापाकाहरू ‘एक्स्पायर्ड जेनेरेसन’ भएको बताउँदै बोहराले अब यहाँका मतदाताले बिचार पुर्याउने समय आएको बताए ।
देशले कसरी आर्थिक कायापलट गर्नसक्छ ? आगामी पुस्ताको लगी के आवस्यक छ ? भन्ने विषयमा बहस गर्नुपर्ने बेला आएकाले जनताले मनस्थिति बदलेको खण्डमा मात्रै परिस्थिति बदलिने उनको भनाई छ ।
आफू सम्पूर्ण रूपले यो क्षेत्रको कायापलट गर्न तयार रहेको समेत उनले बताएका छन् ।