अमेरिकाले भन्यो: नेपालले एसपीपी अस्विकार गरेको पत्र पायौँ
काठमाडौं- नेपालमा एसपीपीबारे गलफत्ती चलिरहेका बेला अमेरिकी दूतावासले स्टेट पार्टनरसिप प्रोग्राम (एसपीपी) बारे नेपाल सरकारको पत्र प्राप्त भएको जानकारी दिएको छ ।
एसपीपीबारे नेपाल सरकारको चिठी प्राप्त गरेको अमेरिकी दूतावासका पब्लिक अफियर्स प्रमुखले बताएका छन् । उनले भनेका छन्, हामी नेपाल सरकारको निर्णयलाई स्वीकार गर्छौं ।
मन्त्रिपरिषद्ले एसपीपीमा सहभागी नहुने निर्णय गर्दै परराष्ट्र मन्त्रालयलाई पत्राचार गर्न भनेको थियो । तर, लामो समयसम्म पनि परराष्ट्र मन्त्रालयले पत्र पठाएको थिएन ।
शुक्रबार परराष्ट्रमन्त्री डा. नारायण खड्काले संसदमा ९ साउनमा अमेरिकालाई एसपीपीबारेको पत्र पठाइएको जानकारी दिएका थिए ।