बाँकेमा भएकाे अागलागीमा ११ लाख रुपैयाँ बराबरकाे क्षति

बाँके ।  बाँकेको खजुरा गाउँपालिका–६, उढरापुर सिमलघारीमा आगलागी भएको छ ।

आगलागीबाट तीनवटा घरटहरा जलेर नष्ट भएको प्रहरीले जनाएको छ । आगलागीबाट करिब ११ लाख रुपैयाँ बराबरको सामान जलेर नष्ट भएको इलाका प्रहरी कार्यालय धनौलीले जनाएको छ ।

इलाका प्रहरी कार्यालय धनौलीका प्रहरी निरीक्षक श्रीकृष्णि पौडेलका अनुसार आगलागीसबाट ज्योती बिकको घर र टौवा जलेर क्षतिग्रस्त भएको छ । आगलागीबाट करिब ५ लाख रुपैयाँ बराबरको काठ, लत्ताकपडा र खाद्यान्न जलेर नष्ट भएको छ । यसैगरी बिमा बिकको घर जल्दा करिब ५ लाख ७० हजार रुपिया मुल्य बराबरको सामान जलेर नष्ट भएको छ ।

होली मनाइरहेको समयमा केटाकेटी खेल्नेक्रममा आगलागी भएको प्रहरीले जनाएको छ । शुक्रबार राति लागेको आगो सुरक्षाकर्मी र स्थानीयले दमकलको सहायतामा नियन्त्रणमा लिएका हुन् । यसैगरी शुक्रबार नै बाँकेको डुडुवा गाउँपालिकामा रहेको झोरा सामुदायिक बनमा लागेको आगो पनि नियन्त्रणमा लिइएको छ ।