मोटरसाइकल दुर्घटना हुँदा दुई जना घाइते

विशाल पाण्डेय / सुखड,कैलाली ।
कैलालीमा मोटरसाइकल दुर्घटनामा परि दुई जना घाइते भएका छन् । जिल्लाको घोडाघोडी नगरपालिका -१ डोडा नदिको पुलमा आइतबार दिउँसो मोटरसाइकल र जिप एक आपसमा ठोक्किएर दुर्घटना हुँदा दुई जना घाइते भएका हुन् ।

घाइते हुनेमा मोहन्याल गाउपालिका -२ का २३ वर्षिय मोटरसाइकल चालक प्रविन रोकामगर र सोही ठाउकै मोटरसाइकलमा सवार लिलाराम बुढामगर रहेको ईलाका प्रहरी कार्यालय सुखडका प्रहरी नायब निरीक्षक बिष्णु महतराले जानकारी दिए ।

महतराका अनुसार , पश्चिम् बाट पुर्व तर्फ आउदै गरेको से ६ प ६२११ नम्बरको मोटरसाइकल र पुर्वबाट पश्चिम् तर्फ जाँदै गरेको बा १ ञ १८९१ नम्बरको विद्युत कार्यालय अत्तरियाको जिप एक आपसमा ठोक्किएर दुर्घटना भएको हो ।

घाइते दुवै जनाको घोडाघोडी अस्पताल सुखडमा उपचार भइरहेको र ठक्कर दिने जिप र चालक ईलाका प्रहरी कार्यालय सुखडको नियन्त्रणमा रहेको प्रहरीले जनाएको छ । सांकेतिक तस्वीर :