सूर्यबहादुरका छोरा सुनील थापा नेपाली काँग्रेस प्रवेश गर्ने
काठमाडौं- पूर्वमन्त्री एवं राप्रपा संस्थापक सूर्यबहादुर थापाका छोरा सुनील थापा नेपाली काँग्रेस प्रवेश गर्ने तयारी गरेका छन् ।
एकाएक दुई राप्रपाको एकीकरण बहिस्कार गरेका थापा नेपाली काँग्रेस प्रवेश गर्ने तयारीमा रहेको स्रोतले बताएको छ ।
स्रोतका अनुसार थापा निरन्तर काँग्रेस नेताहरुको सम्पर्कमा छन् । एकीकृत राप्रपाले पार्टीको मुख्य राजनीतिक उद्देश्य राजतन्त्र पुनस्र्थापना बनाएपछि थापासहित २२ केन्द्रीय सदस्यले बुधबारको एकता घोषणासभा बहिस्कार गरेका थिए ।
थापा पशुपतिशमशेर राणाले नेतृत्व गरेको राप्रपामा महामन्त्री थिए ।
थापानिकट स्रोतका अनुसार अहिलेको परिस्थितिमा राजतन्त्र बोकेर हिंड्न नसकिने भएकाले राजतन्त्र फर्काउने झुण्डसँग सहकार्य गर्न नसकिने भएकाले यस्तो निर्णयमा पुगेको बताइएको छ ।
केहि समय अगाडी पनि थापाले नेपाली कांग्रेस प्रवेश गर्ने सुचना बाहिरिएको थियो । अहिले उनि लगायत केहि केन्द्रीय सदस्य एकै पटक कांग्रेस प्रवेश गर्ने तयारीमा लागेका छन् ।
यसका लागि कांग्रेसका केहि शिर्ष नेताहरूसंग छलफल भैरहेको पनि बताइएको छ । अहिले कसरी काँग्रेसमा प्रवेश गर्ने र केन्द्रीय सदस्यहरूलाई कसरी ब्यबस्थापन गर्ने भन्ने गृहकार्य भैरहेको पनि स्रोतले बताएको छ ।