यी हुन् प्रचण्डमाथि जुत्ता प्रहार गर्ने युवक
काठमाडौं- नेपाल कम्युनिष्ट पार्टीका अध्यक्ष पुष्पकमल दाहाल प्रचण्डमाथि जुत्ता प्रहार गर्ने युवक रतन तिरुवा भएको पत्ता लागेको छ ।
महानगरीय प्रहरी परिसर काठमाडौंका अनुसार उनि नेकपाकै कार्यकर्ता हुन् ।
प्रहरीका अनुसार उनको घर जुम्ला हो । २२ वर्षीय तिरुवा पूर्व लडाकु हुन् ।
उनका बुबा ०५६/५७ मा राज्यपक्षबाट मारिएका थिए ।
युद्धमा बुबा गुमाएको आक्रोशमा उनले जुत्ता प्रहार गरेको हुनसक्ने बताइएको छ । उनी अहिले नेत्रविक्रम चन्द नेतृत्वको प्रतिबन्धित नेकपाका कार्यकर्ता रहेको बताइएको छ ।
उनलाई प्रहरीले नियन्त्रणमा लिइसकेको छ । उनले आफ्नो फेसबुक पेजमा चिनियाँ कम्युनिष्ट पार्टीका नेता माओत्से तुङको तस्बिर राखेका छन् ।
उनले कम्युनिष्ट विचारका नारा समेत राखेका छन् । तिरुवालाई अनामनगरस्थित महानगरी प्रहरी वृत्त सिंहदरबारमा लगिएको छ ।
तत्कालीन नेकपा एमाले नेता तथा पूर्वअर्थमन्त्री भरतमोहन अधिकारीको प्रथम स्मृति सभामा आइतबार प्रचण्डमाथि जुत्ता प्रहार भएको हो । तर जुत्ताले प्रचण्डलाई भने नलागेको प्रहरीले जनाएको छ ।