एआईजीहरूले गरे सर्वेन्द्र खनालको बिदाई ‘बहिस्कार’
काठमाडौँ- अवकाश पाएका नेपाल प्रहरी प्रमुख सर्वेन्द्र खनालको विदाई समारोह पनि निकै रोमान्चक बनेको छ।
मंगलबारबाट अवकाश पाएका नेपाल प्रहरीका महानिरिक्षक-आईजिपी सर्वेन्द्र खनालको विदाई कार्यक्रममा जनपथतर्फका तीनै जना अतिरिक्त महानिरिक्षक-एआईजीहरू अनुपस्थित भएका छन्।
मंगलबार अपरान्ह प्रहरी प्रधान कार्यालयमा आयोजित कार्यक्रममा एआईजीहरु ठुले राई,धिरु बस्नेत र पुस्कार कार्की अनुपस्थित भएका हुन्।
खनालसँगै राई, बस्नेत र कार्कीले पनि मंगलबारबाट ३० वर्षे सेवा अवधिका कारण अनिवार्य अवकाश पाउँदैछन्।
प्राविधिकतर्फका एआईजी भने कार्यक्रममा उपस्थित थिए ।
एआईजीहरूसंग खनालको पहिले देखि नै राम्रो सम्बन्ध नभएको बताइएको थियो ।