ढुङ्गा बोकेको ट्याक्टर दुर्घटना हुँदा दुईजना घाइते

सुखड,कैलाली । कैलालीको घोडाघोडी नगरपालिका – १ सुखडमा ट्याक्टर दुर्घटना हुँदा दुईजना घाइते भएका छन् । पुर्व पश्चिम राजमार्ग अन्तरगत डोडा पुल नजिकै ढुङ्गा बोकेको ट्याक्टर दुर्घटना हुँदा दुई जना घाइते भएका हुन् ।

पश्चिमबाट पुर्व तर्फ आइरहेको भे १ त ८२४४ नम्बरको ट्याक्टरले ओभरट्याक गरिरहेको अटो जोगाउन खोज्दा दुर्घटना भएको ईलाका प्रहरी कार्यलय सुखडले जनाएको छ ।

दुर्घटनामा परि घोडाघोडी नगरपालिका- ४ गैडाखेडाका ३० बर्षिय ट्याक्टर चालक नरेन्द्र परियार र सोही ठाउँका ५० बर्षिय ट्याक्टरमा सवार मोतिराम परियार घाइते भएको प्रहरीले जनाएको छ । घाइतेको सुखड स्थीत घोडाघोडी अस्पतालमा उपचार भइरहेको ईलाका प्रहरी कार्यलय सुखडले जनाएको छ ।