टेक्सासको चर्चमा अन्धाधुन्द गोली, केहीको हत्या
काठमाडौं- अमेरिकाको टेक्सासस्थित एक चर्चमा बन्धुकधारीले अन्धाधुन्ध गोली चलाउँदा दुईजनाको मृत्यु भएको छ ।
स्थानीय समय अनुसार आइतबार बिहान ११ बजेर ५० मिनेट जाँदा गोलीकाण्ड भएको हो ।
त्यसबेला चर्चमा बिहानीको प्रार्थना भइरहेको थियो । सो प्रार्थना सामाजिक सञ्जालमा लाइभ गरिएको थियो ।
त्यहि क्रममा एक बन्धुधारी उभिएर अन्धाधुन्ध गोली प्रहार गरेका हुन् ।
टेक्सासको फोर्ट वार्थ नजिकैको ह्वाइट सेटलमेन्टमा रहेको वेस्ट फ्रीवे चर्च अफ क्रिष्टमा सो घटना भएको हो ।
प्रार्थनाका लागि बेन्चमा बसेका बन्दुधारीले एकाएक उठेर गोली चलाएका हुन् ।
दुईजनाको ती व्यक्तिले चलाएको गोली लागेर मृत्यु भयो । चर्चमा आएका अर्का व्यक्तिले आक्रमणकारीमाथि गोली चलाए र आक्रमणकारीको पनि मृत्यु भयो ।
आक्रमणको कारण वा उद्देश्य के थियो भन्नेबारे अनुसन्धान भइरहेको स्थानीय प्रहरीले जनाएको छ ।
आक्रमणकारीसँग जुध्ने व्यक्तिको कार्य ‘हिरोइक’ रहेको ह्वाइट सेटलमेन्ट प्रहरीका प्रमुख जेपी बेवेरिङ्गले बताएका छन् ।