लागू औषधसहित एकजना पक्राउ

कैलाली । कैलालीमा लागु औषधसहित प्रहरीले एकजनालाई पक्राउ गरेको छ । जिल्लाको धनगढी उपमहानगरपालिका- ८ बाट खैरो हिरोईन र नाईट्रोभेट जस्तो देखिने लागु औषधसहित स्थानीय सुरेन्द्र भट्टलाई पक्राउ गरिएको हो ।

विशेष सूचनाका आधारमा दुई ग्राम १० मिलीग्राम खैरो हिरोईन जस्तो देखिने पदार्थ र नाईट्रोभेट जस्तो देखिने १२ ट्याब्लेट सहित भट्टलाई पक्राउ गरिएको जिल्ला प्रहरी कार्यालय कैलालीले जनाएको छ । भट्ट विरुद्ध लागु औषधमा मुद्धा दर्ता गरी अनुसन्धान भईरहेको प्रहरीले जनाएको छ ।