नेकपाका उम्मेदवार १२ मतले विजयी
काठमाडौं- नेकपाका एक उम्मेदवार १२ मतले विजयी भएका छन् । आदर्श गाउँपालिका वडा नं २ मा नेपाल कम्युनिस्ट पार्टी (नेकपा)का उम्मेदवार रामबहादुर बोहरा विजयी भएका हुन्।
उनी कूल ६ सय ८६ मत प्राप्त गरी विजयी भएका हुन्। उनका निकटतम प्रतिद्वन्द्वी नेपाली काँग्रेसका महादेव साउदले ६ सय ५६ मत प्राप्त गरे।
त्यस्तै राप्रपाका उम्मेदवार काशीराम ओझाले १५ तथा स्वतन्त्र उम्मेदवार भूमिसिंह खडकाले १ सय ९१ मत प्राप्त गरेका छन्।
कूल १ हजार ५ सय ९० मत खसेकामा ६० मत बदर भएका निर्वाचन अधिकृतको कार्यालयले जनाएको छ। उक्त वडामा यसअघि पनि नेकपाले नै जितेको थियो । तत्कालीन वडाध्यक्ष प्रेम बोहराको जीप दुघटनामा परी मृत्यु भएपछि उपनिर्वाचन भएको हो।